ILLIT-in world tour neih hun tur puang

South Korean rookie girl group, ILLIT chuan an world tour hmasa ber chu kumin March thla hian Seoul-ah an khuh hawng dawn. Nimin January 22 khan an agency, BELIFT LAB chuan ILLIT-in an world tour hmasa ber, 'PRESS START♥' tih an nei dawn tih hi an puang a ni.

An tour title 'PRESS START♥' tih chu rimawi lama an zinkawng bulṭanna niin, March 14 leh 15 hian Ticketlink Live Arena, Seoul-ah an khuh hawng dawn a ni. An group hian Japan leh Hong Kong-ah tour an neih chhunzawm dawn a, August 22-ah Hong Kong-ah a tawp an khar ang. ILLIT hian kum kalta November 24 khan an album hmasa ber 'NOT CUTE ANYMORE' tlangzarhin, music chart-ah an che ṭha thei hle a ni.