White Poison (Tûr Vâr) tlangzarh dawn

Mizo film, 'White Poison (Tûr Vâr)' chu zanin hian Vanapa Hall-ah tlangzarh a ni dawn ta. Tlangzarh inkhawm hi I&PR minister B. Lalchhanzova chuan khuallian niin a hmanpui ang.

White Poison (Tûr Vâr) hi BMS Films Scope & Frames-te film siam hmasak ber niin, Director of Photography chu Raymond Colney a ni. A thawnthu hi Ganesh B. Shelar ziah a ni a, Ramakant Sutar chu director a ni. Ganesh B. Shelar chuan, 'White Poison (Tûr Vâr)' hi a tak taka thil thleng behchhana siam a nih thu a sawi. Film hi mipui hlimna thlenna atan leh, harsatna an tawh leh an mamawh hriattirna bakah rilru thar pu chunga nun siamṭhatna lam an hawi theihna atana siam an ni tih a sawi.

Shooting hi Mizoram chhung leh pawnahneih a ni a, a changtute pawh an ṭhahnem hle. A changtu ṭhenkhat chu kan hriat lar tawh sate an ni a, mi thar nen an inpawlh nuk dawn a ni. He filmah hian mipui harsatna tawh ṭhin leh, chhungkaw nun tibuaitu, ruihtheihthil hman sualna chungchang tarlan a ni a, rilru a khawih hle a rinawm.

White Poison (Tûr Vâr) hi social media lamah pawh a larin sawi a hlawh viau. Tlangzarh zan hian a hmuna en duh tan ticket Rs. 200 man a awm dawn a, Runmawi App-ah en theihin a awm nghal bawk ang.