Mizo Song Composer Society Rising Day hmang

Mizo Song Composer Society Rising Day vawi 7-na chu nimin, January 23 chawhma dar 11:00 khan MPSOA Guest House CID Tlang, Bungkawnah hman niin, 2026-2028 chhung atana hruaitu thar thlan nghal a ni. He hunah hian Zonet managing director, L.V. Lalthantluanga chu khuallian a ni a, MSCS president R. Lallunghnema chu chairman a ni.

MSCS-ah hian member 148 awmin, executive member 29 an awm a, adviser 17 an awm mek a ni. MSCS hian kum 2024 March thla khan Fund Rising Committee an a, pawl sum tuakna hrang hrang an ngaihtuah ṭhin a ni. Kum 2025 March 14 khan MSCS Vau thla meet neih a ni a, he hunah hian hranghlui hla phuah thiam mi panga; Rokunga, Vankhama, PS Chawngthu, Lalkhawliana leh Vanlawma te hnenah chawimawina citation hlan an ni.