Chappell Roan-i'n Harmonizer award dawng dawn

American singer-songwriter, Chappell Roan chuan Resonator awards vawi hnihna, January 27-a Chaplin Studios, Los Angeles-a neih turah Harmonizer award a dawng dawn. Award hi We Are Moving the Needle buatsaih niin, chawimawina dang dawng tur zingah Chaka Khan, Haim, St. Vincent, Amy Allen leh midang eng emaw zat an tel.

Event hi American comedian leh actor Fred Armisen leh Roan-ten an host dawn a ni. We Are Moving The Needle chuan award show-a perform tur an puang bawk a, chung zingah chuan Flo, Greg Kurstin, Jim James, Lucius, Sia, Thundercat, leh Victoria Canal bakah U.S. Girls-te pawh an tel. Kumina Luminary Award dawngtu Chaka Khan chawimawina hun hman a ni bawk dawn a; Grace Bowers, Hayley Williams, Lalah Hathaway, Maggie Rogers leh surprise guest eng emaw zat an tel bawk ang. Tlai lam live music chu Live Nation Women-in a buatsaih dawn a ni.