Jimin-a'n a solo hla hmangin Spotify stream tld 6.5 chuang a nei

South Korean boy band BTS member, Jimin chuan K-pop history-ah mellung pawimawh tak siam tharin, Spotify-ah mi dang thawhpui a neih lohna, a solo track hmangin stream tld 6.5 chuang a nei ta.

Khawvela music streaming platform lian ber pawl, Spotify-ah hian Jimin chuan artist dang a thawhpuina ni lo, solo track 22 a tihchhuah aṭangin stream tld 6.5 chuang a nei tawh a ni. K-pop solo artist zingah non-collaboration track hmanga he dinhmun thleng thei hmasa ber leh awmchhun a ni. Jimin hian Spotify-a profile-ah mi dang a thawhpuina telin track 34 a tichhuak tawh a, heng hlate hian stream tld 7.945 an nei tawh a, 80% chuang chu a solo track aṭangin a ni. Billboard-a main singles chart, Hot 100-ah kar 33 chhung chart-ah langin, January 24 thleng khan Spotify-ah stream tld 2.25798 a nei tawh a ni.