Mizo zinga Les Randonneurs Mondiaux (LRM) tlanchhuak hmasa ber Tekawka

Mizo zinga a hmasa ber turin Lalrinfela (Tekawka) Ramhlun Venglai, Mizoram Cycling Association hruaitu zinga mi chuan LRM1200 a tlan chhuak.

Thirsakawra intihsiak hautak ber zinga mi, LRM-ah hian darkar 90 chhungin km 1200 tlan hman tur a ni a, a karlakah a duh tan chawlh theih niin, mahse an tlan chhuah aṭanga a tawpna an thlen inkar (elapsed time) hi darkar 90 chhunga khung ngei ngei a ngai thung. LRM-a tlan thei tur hian taksa chak, dawhtheih, huaisen leh tumruh a ngaih piah lamah, mahni theihna mila tlan dan tur mumal taka in ruahman a ngai a, map hmanga kalna tur inhaikuak chawp ngai a nih bawk avangin map reading/navigation thiam tel a ngai bawk.

Tekawkate hi Kolkata aṭangin kumin January 22, Ningani zing dar 6:45-ah an tlan ṭan a, kawng chanve km 600-na, Siliguri aṭanga kual let lehin January 25, Pathianni zan dar 12-ah a tawpna a thleng leh hman a, ni li chhung chhun leh zanin a tlan a ni.