2026 Tony Awards sem hun tur a chiang ta

US-a Broadway theater kaltlanga acting hrang hrang tihchhuahte hnena chawimawina hlan ṭhin, 79th Tony Awards chu kumin June 7 hian sem a ni leh dawn, award dawng thei tur cut-off hun atan April 26 ruahman a ni.

Tony Awards hi Radio Music Hall, New York-ah sem tura ruahman niin nominee-te chu May 5-ah puan an ni ang. Tony Awards kaltlang hian Broadway kutchhuak hrang hrang play, musical, leh revival huanga che ṭhate hnenah chawimawina hi hlan ṭhin a ni. Category 24 chuang awmin Best Musical, Best Play, leh acting category bakah 'Special Tony Award' te sem chhuah ṭhin a ni.

Kumin awards ceremony hi CBS ah live a pek chhuak a nih bakah Paramount+ aṭangin stream a ni tel dawn a ni.