Grammy Awards presenter-ah Harry Styles leh Doechii

English singer-songwriter, Harry Styles leh American rapper leh singer, Doechii-te chu kumin Grammy Awards vawi 68-na, February 1-a neih turah presenter an ni dawn. Styles hian kum 2023 khan a album 'Harry House' tih hmangin album of the year a lo dawng tawh a, Doechii hian kum kalta khan a album 'Alligator Bites Never Heal' tih hmangin best rap album a lo dawng tawh bawk a ni.

Styles hian kumin March 6-ah a album thar, 'Kiss All the Time. Disco, Occasionally' a tlangzarh dawn a, global tour a neih dawn bakah New York City-a Madison Square Garden-ah zan 30 a perform dawn bawk. Doechii hian kumin Grammy awards-ah hian record of the year, song of the year, best rap performance, best rap song leh best music video nomination a hmu bawk.

Academy chuan award show-a perform tur a puang tawh bawk a, an zingah Sabrina Carpenter, Clipse leh Pharrell Williams, best new artist-a nomination hmu pariat; Sombr, Addison Rae, the Marias, Alex Warren, Katseye, Olivia Dean, Lola Young leh Leon Thomas-te an tel.