Lilzo zaninah a concert dawn Vincy hnenah chawimawina pek a tum

Mimala music concert nei ngam kan awm tawh mang loh laiin Lilzo chu zanin hian Vanapa Hall-ah a concert dawn. A concert-ah hian ṭawiawmtu pawh a nei
ṭha dawn hle a, Vincy Chhangte hnenah chawimawina hlan a tum.

Royal Challenge Lilzo concert, Team Donny buatsaih turah hian Lilzo chauh a ni dawn lo a, Vincy Chhangte a inlan dawn bakah, tunlaia lengzem huang chhunga zai≠thiam kan neih ṭhat pa≠hnih - Feli Fanai leh Zorini Khiang≠te ten an ṭawiawm dawn.

Zai lam chauh ni loin fiamthu lama mi hmingthang pa≠hnih - Roluaha leh Lal≠nunsanga te an inlan dawn a, anni pahnih hi Lilzo zai kar lakah stage-ah an ink‚p dawn. L‚m thiam, Lushai Walkers ten thiam an show bawk ang.

Lilzo concert hi zanin dar 7 aṭanga ṭan tur a ni dawn a, ticket hi Rs. 100, 200 leh 300 man a ni. Ticket hi United Computers, Zarkawt; Samoo Multi Brand Show Room, Dawrpui; Tribefiction, Chanmari-ah te zawrh chhuah a ni a, vawiin hian Vanapa Hall kawtah zawrh a ni bawk ang. Main sponsor hi Royal Challenge a ni.

Lilzo hian a concert-ah hian rap lama Mizote zinga sul sutu Vincy Chhangte hnenah chawimawina ëFather of Mizo Rapí a pe dawn.

Lilzo, Hruaitea tia a veng ten an koh chuan, ìVincy hi chawimawi loh theih a ni lo. A kawng sut hawn saah kei ni chu kan kal ve chauh a ni. Amah avanga hetiang dinhmuna ding thei chauh hi ka ni,î a ti a, rap music-ah chuan Vincy a dah sang hle.

Hruaitea hian official-in music video pali a ti≠chhuak tawh a, tihchhuah hmabak pawh a la nei a, nakkum February thla hian a music video thar tihchhuah theih a inring. Hmun hrang hrangah sawmna pawh a dawng hnem hle a, Shillong-ah te, Delhi-ah te a che tawh a, tunah hian Delhi lamin an be leh mek. Hei bakah Goa lam aṭang pawhin betu a nei bawk, thutlukna erawh a la siam lo.

Hruaitea chuan, ìTun≠ah rih chuan Mizoramah ka hun tam zawk hman ka duh a ni,î a ti.