Van Halen 'Jump' FIFA World Cup campaign-a hman turin siam ṭha

80's bawr chho vela khawvela rock band lar, Van Halen hla hit, kum 1984 bawra an tihchhuah tawh 'Jump' chu FIFA World Cup 2026 campaign-na atana hman turin siam ṭhat a ni. Hla makeover naah hian J Balvin leh Amber Mark-te chuan vocals lam an cover dawn a, Blink 182 drummer Travis Barker chuan drum a vuak bakah ṭingṭang lamah Steve Vai kutchhuakte kan hmu thei dawn bawk.

Football campaign hi "Bubbling Up" film siam hmanga kick off niin Coca-Cola lam hian World Cup puala film pathum an siam a ni. Kumin hian World Cup hi June 11- July 19 chhungin neih a ni dawn, Canada, Mexico, leh US ten an thleng dawn a ni.

"Jump" siamthar hi thla thar lama tihchhuah tum a ni a, hemi hma hian thlirlawkna tawi tihchhuah tum a nih thu FIFA leh Coca-Cola company chuan thuchhuah inṭawm siamin an tarlang. Jump hla hi band-in Billboard Hot 100 a No.1 an neih theih hla awmchhun niin kar nga chhung No.1 ah a lang.