Spotify-ah Drake-a hla an stream nasa ber

Music stream-na lian, Spotify chuan kumin chhunga anmahni chhung aṭanga miin zaithiam zai an stream nasat ber a tichhuak a, Drake chu an stream nasat ber a ni.

Spotify-in kumin chhunga zaithiam zai an stream nasat ber a tihchhuahah Drake hi pakhatna a ni chiang hle a, a hla hrang hrangte miin an stream zawng zawng zat hi tluklehdingawn 4.7 a ni. Nikum pawh khan Drake bawk hi miin zai an stream nasat berah pakhatna a ni tawh bawk. Kuminah hian hla mala miin an stream nasat ber chu Drake-a hla ëOne Danceí kha a ni. Album mala an stream hnem ber pawh Drake-a album hit ëViewsí kha a ni.

Most Streamed Female Artist thung chu Rihanna a ni. Drake-a bialnu hi a thawm a lian reng a, Most Streamed Artist-ah pawh pathumna a tling pha. Ariana Grande chu Most Streamed Female Artist-ah pahnihna a ni a, Sia Furler chu pathumnaah a lang pha a, Adele palinaah langin, Fifth Harmony chu pangana a ni.

Justin Bieber hian pakhatna luah chiah lo mah se, a langsar hle bawk. Most Streamed Artist-ah pahnihna a ni a, Most Streamed Male Artist-ah pahnihna a ni bawk a, Most Streamed Album-ah a album ëPurposeí chu pahnihna a ni bawk.