Moana a la pakhatna zel

Disney siam, animated movie, Moana chu North American box office-ah a la hlawhtling hle zel a, a vawi hnih nan sum lalut hnem ber a ni leh.

Moana hian kar liam ta kar tawp chhung khan USD mtd 28.4 lai a lak belh leh a, he film-ah hian The Rock chuan aw a thawh. Moana hi Polynesian thawnthu
aṭanga siam a ni. A tirin khawvelah hian tuipui chauh a awm a, nakkinah chuan thliarkar pathiannu, Te Fiti a rawn lang a, Te Fiti thinlung chu lung te tak te a ni a, chu chuan nunna siam theihna khawp thiltih≠theihna a keng. Chu lung chu pathian hnuai deuh pakhat, Maui chuan a ruksak a, mihringte hnenah a pe a, chu lung inchuha buaina vel chu a ni ber ang chu.

Harry Potter thawnthu hrula mi, Fantastic Beasts and Where to Find Them chu pa≠hnihnaah a awm. He film hi Eddie Redmayne channa hian kar tawp chhung khan USD mtd 18.5 lai a lakluh belh leh. Arrival chu pathumnaah a awm a, USD mtd 7.3 a lalut.

Box office movies

“Moana” - $mtd 28.4

“Fantastic Beasts and Where to Find Them” - $mtd 18.5

“Arrival” - $mtd 7.3

“Allied” - $mtd 7.1

“Doctor Strange” - $mtd 6.5

“Trolls” - $mtd 4.6

“Hacksaw Ridge” - $mtd 3.4

“Bad Santa 2” - $mtd 3.3

“Incarnate” - $mtd 2.7

“Almost Christmas” - $mtd 2.5