Henry Varte leh Mawitei Krismas music video thar an siam

Anmahni puala music video kan hmuh loh vang vang hnuah Henry Varte leh Mawitei te chuan Krismas music video an siam a, kan en thei dawn hnai ta. Krismas hla an sak hi Mandisa leh Matthew Wets te sak, Christmas Makes Me Cry hla kha a ni.

Henry Varte chuan ìíChristmas Makes Me Cryí hi kan hun tawn chhohte nen hian a inremin ka hria a, Mizo ṭawnga lehlinna hun nei phei ila chuan a ṭha lehzual tur a ni a, amaherawhchu Mawitei hi Delhi-a a chhuk leh a ngaih avangin Mizo ṭawngin kan letling hman ta lo a ni. A sap ṭawng pawh hian a mawi a, chu bakah a hla thu a ṭha hle a ni,î a ti.

ëChristmas Makes Me Cryí hla hi mi tam tak tana hlimna hun Krismas hi ṭhenkhat tan chuan
ṭahna hun a ni tih hla a ni. ìKrismas hun hlimawmah hian pan lai hun i dawn kir a, hmangaih kal tate sulhnu chhui letin, mal ngawih ngawiha awmte dinhmun leh ral rama pasalṭha rammute dinhmun i ngaihtuah a, hun hlimawm mah ni se i mittui a hnam ve ngai em? A fapa neihchhun pawh zuah lova min petu hian hringfate hi eng ang tak hian nge maw min lo ngaihhlut le tiin Pathian hmangaihna i teh ve tawh ngai em? Krismas hi lunglenna nen emaw, lungngaihna chhumpui karah mittui nen i hmuak a nih pawhin Chhandamna min petu hruaina lamtluangah hian mittui karah beiseina nen i hmuak ang hmiangî tiin Henry Varte chuan a sawi.

He hla teaser hi dah chhuah a ni tawh a, Eveon Touch-in an sponsor a, Blue Wave Recording Studio-ah record a ni a, SVP chuan a music video hi a siam. Modern Suitings leh Manuntei Sailo ten Henry leh Mawi≠tei te thuamhnaw an buatsaihsak bawk. Zanin dar 6:50 hian Zonet Zawlbukah tihchhuah a ni ang.

Henry bik hian music thar a neih kh‚t chhan a sawi a, event planning lama a kal nasat tak avangin a buai a, music lam ngaihtuah turin hun a nei tawk tawh lo tih a sawi. Kum 2014-a tihchhuah, Parema hlate dah khawmna, ëKa rinchhan Lalpaí kha music anga a lanna hnuhnung ber a ni tawh. Eevent planning lama a hun tam zawk a hman tawh bakah The Cardinal Choir-a a tel avangin hunawl a nei tlem ta hle. Kumthar atan a eizawnna lamah hmachhawp a nei nual bawk. Kumthar hian ama fashion line siam a tum a, chumi lamahte pawh chuan a rilru a seng nasa hle tawh. Music thar tichhuak vak tawh lo mah se Henry hian sawmna erawh a la dawng reng thung.