Vawiinah East India MMA contenders fight a awm dawn

India rama MMA promotion company lian ber chuan AIMMAA sanction hnuaiah Mixed Martial Arts ṭhan duanna khawpui pangaah amateur fighter-te experience pek nan leh future siamsak nan SFL Contenders an huaihawt a, East Zone hi Aizawlah nghah a ni a, vawiin hian fight hmuhnawm tak a en theih dawn ta. Aizawl hi East Zone khelhna atan thlan a ni a, khaw dangte chu Mumbai, Delhi, Bangalore leh Hyderabad te an ni.

He event hi Mizoram State MMA Association (MISMA) leh JSJ FitPro ṭangkawpa huaihawt a ni a, Vawiin hian SibyFarms, World Bank Road-ah zing dar 10 aṭanga ṭan tur a ni. Mizo leh NE fighter te fight hmuhnawm tak en tur a awm leh dawn a, a thlawna en tur a ni a, mipuite support turin MISMA chuan a mipuite a sawm nghal.

Nimin khan AIMMAA National MMA coach Alan Fenandez leh SFL India head Rajesh Mehta te pawhin Aizawl an rawn thleng. SFL hian January aṭangin season thar a buatsaih ṭan leh dawn a, chuta fight te chu cheng sing riat aṭanga nuaih thum contract sign-tir an ni. Tuna fight neih tura a ti ṭha pahnihte chu event atana under card-a fight tur an ni. He event hi nakkum lama JSJ Fight League season 2
ṭan leh tur atana mi ṭha thlanna a ni nghal. MISMA chuan vawiin hian souvenir magazine release nghal a tum bawk.

Tuna East India MMA Contenders Fight neih turah hian Mizoram aṭangin mi 50 chuang an in-register a, Assam, Meghalaya leh Tripura an rawn tel bawk ang.