KOMCA-in full member puang

Korea Music Copyright Association (KOMCA) chuan hla phuah thiam full member atana an thlan chhuah list chu nimin, January 29 khan an official website kaltlangin an puang. Artist full member atana an puan zingah girl group i-dle member Yuqi, boy band DAY6 member Young K, Stella Jang leh Bae Chul Soo-te an tel.

Young K hi an group zinga KOMCA full membership nei thei hmasa ber a ni a, Yuqi hi an group zinga full member pahnihna niin, a member pui Jeon Soyeon chu full member a lo ni tawh bawk. Artist tarlan ho bakah kumina full member atana lak luh - GIGI, Han Won Tak, KAKO, GHSTLOOP, JUNNY, MILLENNIUM, ASTROZ, Big Sancho leh Kang Hwa Seong-te pawh an tel a ni. List-ah hian Busker Busker band member Jang Bum Jun, 10CM member Kwon Jung Yeol leh Sunwoo JungA te pawh an tel a, a hmain full-member status an lo nei tawh a, mahse KOMCA dan angin full member atan lak luh leh an ni.