Lehkhabu bawm: DIS naupangte kutchhuak lehkhabu tlangzarh

Divine Intervention School naupangte kutchhuak, Collection of Short Stories Volume-I chu nimin, January 30 khan DIS Founder Managing Board Chairman Lallungmuana' n a tlangzarh.

DIS hian an zirlai naupangte tan story telling competition an nei ṭhin a, an story sawi tur chu anmahni ziak ngei a ni tur a ni. Naupang ten an story ziah chu school hian vawn ṭhat zel a, mi dang tan pawh chona siamtu leh school library tihchangtlun nan kum tin volume khat tihchhuah ṭhin turin an ti a ni. Nimina lehkhabu an tihchhuahah hian story 68 a awm a, hei hi naupang kutchhuak lakkhawm lehkhabu hmasa ber a nih a rinawm.