Prime Video-ah 'Don't Be Shy' chhuak dawn

Prime Video chuan Alia Bhatt leh Shaheen Bhatt-te channa,romantic comedy 'Don't Be Shy' chu Eternal Sunshine Productions banner kaltlangin a ti chhuak dawn. Film-ah hian Grishna Shah leh Vikesh Bhutani-te chu co-producer an ni a, Sreeti Mukerji chu a ziaktu leh director a ni. Mukerji hian Bollywood film hit tak tak, 'Yeh Jawaani Hai Deewani,' 'Ae Dil Hai Mushkil' leh 'Brahmastra Part One: Shiva' ah direction team-te a lo thawhpui tawh bawk a ni.

Prime Video India director Nikhil Madhok chuan Alia Bhatt leh Shaheen Bhatt an thawhpui thei chu lawmawm a tih thu a sawi. Eternal Sunshine Productions co-founder Alia Bhatt chuan project chu amah leh an production team tan a hlu hle tih sawiin, Prime Video an thawhpui thei leh thlawpna ṭha tak an dawng chu lawmthu a sawi ve bawk.

Eternal Sunshine Productions hi kum 2021 khan Alia Bhatt leh a laizawn Shaheen Bhatt-te din a ni. Production house hian film chi hrang hrang; 'Darlings', 'Poacher' leh 'Jigra' te an lo ti chhuak tawh a ni.