'Gifted' ah Kim Woo Bin leh Seo Eun Soo

tvN drama thar 'Gifted' ah South Korean actor, Kim Woo Bin leh South Korean actress leh model Seo Eun Soo-te an chang dun dawn. Nimin January 30 khan Seo Eun Soo agency HighZium Studio chuan 'Gifted' a chang tur hian biak mek a nih thu leh, an inbiakna pawh chanchin lawmawm lam a nih thu an tarlang.

Kim Woo Bin pawh he drama, webtoon behchhana siam turah hian a chang dawn tih report a ni bawk. 'Gifted' hi baseball coach pakhatin beisei loh taka accident a tawh hnua professional team coach aṭanga high school hnuaihnung zawk team-ah coach a nih tak dan chanchin a ni.

Seo Eun Soo hi hmeichhe baseball team kaihruaitu physical education zirtirtu, Yoon Seo Jin lemah a chang dawng a ni. Kim Woo Bin hi a changtu ber Jung Min Yong, baseball coach lemah a chang bawk dawn a ni.