Mizoram Youth Festival zanin aṭangin

Mizoram Youth Festival 2019 chu zanin dar 7 hian ṭan a ni dawn ta a, zanin leh naktuk zan hian hun hman a ni ang.

Mizo High School Field, MacDonald Hill, Zarkawtah neih a ni dawn a, he hunah hian tunlai zaithiam lar ber ber an inlan dawn. Inlan tur zingah hian Zoramchhani, Stacy, Lalduhsaki, Grace Lalchhanhimi, Maruati, Hlimhlimi, Andrew, TBC Zai­thanpuia, BOG, Isaac Hnamte, Israela Pachuau, One In Christ, Mawitei, Fiona, Cindy, Arini leh Zorina-te pawh an tel. Zai kar lakah hian Mizo Dance Camp, Matthew Peka & Hoyabia, Performance Art - H. Vanlalchhuan­awma, Violin solo- Zomuan­sangate leh tunlaia kan milar tak takte pawh an inlan dawn.

Bethel Ministry kaihhruaina hnuaiah Praise and Worship hun hman a ni dawn bawk a, speaker Federick Lalrindika hnen aṭangin 'Hlimna Kim - Fullness Of Joy' thupui hmangin Pathian thuchah ngaihthlak a ni ang. He festival hi Bethel Mi­nistry bultuma buatsain niin, Organi­zing committee-ah erawh kohhran hrang hrang hruaitute an tel thung a ni. He huna tel tur hian Organising Committee chuan mi zawng zawng an sawm a ni.