Various Artists 'Fimkhur tluk a awm lo'

Jaui, Zoramchhani, Amtea, Manuna, U Bena leh G'Nie-te chuan hla thar ṭha tak 'Fimkhur tluk a awm lo' tih chu Thawhṭanni khan an tichhuak.

'Fimkhur tluk a awm lo' hi Volts N Volume YouTube channel-ah thlir leh ngaihthlak theih­in an dahchhuak a, thlir a hlawh hle. He hla hi G'Nie phuah niin, United for a purpose tana a tih ve theih tawk nia ngaia a phuah a ni a, HIV veite puala a phuah a ni.

Music Video-ah hian Green Rocket TV (Ramhmangaihi thiam taka changtute) an inlan bawk. "United for a purpose programme-a kan kal ṭumin kalkawmte hnenah HIV veite tana tihtheih tawk ti ṭheuh turin min chah a, chumi avang chuan ka tih ve theih tawk tiin ka phuah chhuak chu a ni ber," tiin G'Nie chuan Vanglaini a hrilh a, HIV positive-te hmakhua veiawm a tih avanga phuah a nih thu a sawi a ni.