K-pop idol-ten China-ah harsatna tawh chhunzawm

South Korea khawpui, Seoul leh China khawpui Beijing inkar boruak tun hnaiah ṭha chho hle mah se, Korea content khapna (Hallyu Ban) la kalpui reng niin, BTS 2026 world tour neih tur pawh mainland China-ah an nei tel dawn lo.

Singapore media outlet Lianhe Zaobao chuan February 1 khan, Chinese microblogging website Weibo-ah BTS hian follower mtd 5.6 chuang an nei tih tarlangin, heti chung hian an group chuan Hong Kong-a hmun thumah chiah show an nei dawn tih an nemnghet. He thil hi kum 2016-a THAAD deployment vanga lo awm niin, kum 10 dawn China khawpuiah hian K-pop tour lian tham neih a ni tawh lo.

Industry insider leh scholar-te chuan full-scale-a hawn leh chungchangah buaina a la awm tih sawiin, tun hnaia South Korea president Lee Jae-myung-a’n China a tlawh ṭumin khapna dan chu hlih a ni thuai dawn tih hriattir mah se, mithiamte chuan hun a duh rei dawn tih an sawi.