Oscar-ah "Best Original Song" nominee 2 chiah perform thei dawn

Khawvel awards ngaihhlut, Oscar buatsaihtu Academy of Motion Picture and Arts and Science chuan kumin awards ceremony-ah 'Best Original Song' category-a nominate hla pahnih chauh perform a nih theih tur thu an puang. 98th Academy Awards, March 15-a sem turah hian telecast lama pek chhuah dan kalphung danglam vangin an hun neih a chep ta niin an tarlang.

Kumin Oscar awards sem chhuah tura 'Best Original Song' category-ah hian “Viva Verdi!”, “Sweet Dreams of Joy”, “Train Dreams”, “Dear Me”, “Golden”, leh “I Lied to You” te chu nomination ah an lang a; heng zinga hla pahnih KPop Demon Hunter 'Golden' leh Vampire thriller film, Sinners-a hla hman '“I Lied to You”-te chuah perform a ni dawn ta a ni. Oscar award hi Connan O'Brien host-na hnuaiah neih a ni dawn a ni.