BTS Jungkook-a'n twitter-ah record a siam

K-pop boyband BTS star Jungkook chuan twitter-a June 9-a a video post chu kumin chhung­in maktaduai chuang retweet (post chhawng leh) niin, retweet-tu ngah ber a ni. 

Video a post hi tunlai ṭhangṭhar zai­thiam zinga huhang ngah tak Billie Ei­lish hla 'bad guy'-a a lam lai a ni a, hotel room chhungah Jungkook hi a lam a ni.  

A video post hian thlirtu mtd 27.2 a nei a, like tu mtd 2.38 a nei bawk a ni. Comment-tu pawh mi mtd 1.43 zet a nei. Jungkook hian 'World Record Egg' record lo siam tawh chu rawn khum a ni. Egg hian kumin January 14-a artui lem an post chu retweet-tu 9,57,300-an awm a, like-tu pawh mi 5,82,000 a nei tling bawk.