WhatsApp hman theihna phone titlem dawn
Mizo-ten social media platform-a kan hman nasat ber WhatsApp chuan nakkum February thla aṭangin an appplication hman theihna phone ṭhenkhatah chuan a hman theih tawh dawn loh thu an puang.
WhatsApp hi Windows phone-ah a hman theih tawh dawn lo a, Android leh iOS phone ṭhenkhatah pawh hman theih a ni tawh dawn lo. Heng a hnuaia phone tarlanate hian WhatsApp chuan an app hman theihna nakkum February aṭangin an sut dawn a ni.
Heng phone-ahte hian WhatsApp a hman theih tawh loh ang:
- Windows phone zawng zawng
- Android version 2.3.7 leh a aia hluiah
- iPhone iOS 8 leh a aia hluiah
Heng phone hi i hmang a, WhatsApp ila hman chhunzawm a nih chuan phone thar changkang zawk i ngaihtuah a ngai dawn niin a lang. Kumin December 31 aṭang hian Windows bikah phei chuan WhatsApp hian an app hman theihna hi a titawp dawn a, Windows phone hmang tan chuan inhmakhua a hun hle ang.