Ozzy-a'n a guitar pe let leh hnenah $25,000 pek a tiam

Metal music-a sulhnu nei lian tak, Ozzy Osbourne chuan, Randy Rhoads-a electric guitar hmasa ber an rukbo awmna chin hria leh pe let thei hnenah $25,000 pek a tiam.

Randy Rhoads electric guitar hi Musonia School of Music-ah dah a ni a, he music school hi Rhoads-a nuhrawnin a enkawl a ni. He school-ah hian Rhoads-a guitar hman ṭhenkhatte pawh dah a ni bawk. Guitar hi Thanksgi­ving zan khan rukbo a ni.

Ozzy-a album pahnih - 'Blizzard of Ozz' leh 'Diary of a Madman'-ahte khan Rhoads hi guitarist a ni a, vanduai thlak takin kum 1982 khan thlawhtheihna chesualah a boral a ni.