Zanin dar 6:00-ah Final Mizoram Police Vs AFC Academy

Aizawl DFA I Division League Final chu zanin dar 6:30 hian Lammualah khelh a ni dawn a, Mizoram Police leh season liam ta finalist Aizawl FC Academy te an inhmachhawn ang.

Mizoram Police hi season liam taa MPL aṭanga relegate ni mah se I League an khelh vanga Aizawl FC an hawhtir F. Lalrinpuia leh Lalbiakhlua te an la let tawh a, final kalkawngah harsatna an nei lo. Police hian match 11 an khelhah vawi hnih chiah an chak lo a, vawi khat an khingpuite an draw pui. Team pahnih inthlauhna lan chianna chu Police hian match 14 aṭangin goal 46 an khung a, final-a an hmachhawn tur AFC Academy hian an goal khung chanve chauh an khung.

Police hian AFC Aca-demy hi league round-ah vawi hnih an hneh a, an intawn hmasak ṭum 5-0 in chak mah se an vawi hnih intawnnah erawh 1-0 chauhin an chak.

Aizawl FC Academy hian season liam ta khan hneh loh nei loin final an lut a, nomawi chawi nana minute 90 pawimawh zia an hrechiang tawh. Nicky Malsawmtluanga hoten tun season-ah thil mak an thlentir a, Chawnpui FC (4-0) leh 1st MAP Academy (6-1) sawpin Venghlui lehthalin final an lut.

Zanin final-ah hian Police hi rinkai zawk ni mah se AFC Academy hi tun hnaiaah an chet ṭhat miau avangin champion tur a chiang lo.