'Hollywood Walk of Fame'-ah Robin lema chang ṭhin Burt Ward

Batman sidekick Ro­bin lema chang ṭhin, kum 74 mi Burt Ward chu nakkum January 9-ah 'Hollywood Walk of Fame' hlan a nih dawn thu Hollywood Chamber of Commerce chuan a tarlang.

Ward hi Hollywood Walk of Fame star 2,683-na tur a ni dawn a, film lama a sulhnu ropui tak takte avangin he chawimawina hi hlan a ni ang. Walk of Fame produ­cer Ana Martinez chuan Ward chawimawina an hlan tur hun hi a nghahhleh tawh thu leh, a film chan thiamna chuan vawiin thlengin a fan-teah nghawng lian tak a la nei reng tih a sawi.

Kum 1960-1968 in­kara tihchhuah American live action television series, Batman film lar takah khan Ward hi Robin lemah a chang a, hei hi a larpui ber chu ni mah se film dang tam takah a chang bawk a ni.