Tluklehdingawn zingah Calvin Harris leh Rihanna an tel

YouTube-a video entu maktaduai mai ni lo, tluklehdingawn nei tling hi khawvel huap pawhin an la tam lo hle a, chung mi tlÍm te zingah chuan Calvin Harris leh Rihanna te an tel.

Calvin Harris leh Rihanna te hla ëThis is what you came forí chu YouTube/ Vevo-ah entu tluklehdingawn an nei tling a, YouTube-a video vawi tluklehdingawn khat entu nei mi 34 zingah an tel ve ta. ëThis is what you came forí video hi Thawhlehni thleng khan vawi 1,002,130,797 zet en a ni. Bruno Mars-a video ëThe Lazy songí pawh he club, tluklehdingawn club-ah hian a tel ve thei teuh tawh hle a, vawi maktaduai 998.2 lai en a ni tawh a, tluklehdingawn tling tur chuan vawi maktaduai 1.8 en tlin leh a la ngai.

Calvin Harris leh Rihanna hla hi 34-na chauh a ni a, chuvang chuan an aia hlawhtling an la tam hle tihna a ni. Zaithiam lar leh hlawhtling tam takten an tluk miah lo chu K-pop lam chhuak, Psy kha a ni. A video hit ëGangnam styleí kha hla lar tak tak nia kan ngaihte pawhina an la tluk theih loh a ni. Gangnam Style video hi YouTube-ah vawi tluklehdingawn 2.69 zetin en a ni tawh a, YouTube-a en ngun ber hla a ni.

Wiz Khalifa leh Charlie Puth te sak ëSee you againí kha entu ngah ber dawttu a ni a, YouTube-ah vawi tluklehdingawn 2.2 en a ni tawh a, Justin Bieber-a hla ëSorryí chu pathumna a ni a, Bruno Mars hla ëUptown Funkí kha palina niin, Taylor Swift hla ëBlank Spaceí chu pangana a ni.

YouTube-a entu ngah video 10-te

1. Psy, ìGangnam Styleî -- 2,697,439,562

2. Wiz Khalifa feat. Charlie Puth, ìSee You Againî -- 2,221,596,227

3. Justin Bieber, ìSorryî -- 2,030,847,406

4. Mark Ronson feat. Bruno Mars, ìUptown Funkî -- 2,004,011,931

5. Taylor Swift, ìBlank Spaceî -- 1,865,192,961

6. Adele, ìHelloî -- 1,799,328,246

7. Taylor Swift, ìShake it Offî -- 1,760,377,991

8. Major Lazer & DJ Snake feat. Mÿ, ìLean Onî -- 1,752,712,191

9. Enrique Iglesias feat. Descemer Bueno & Gente De Zona, ìBailandoî (Spanish version) -- 1,746,934,535

10. Katy Perry, ìRoarî -- 1,653,481,503