F. Zomuanpuia Krismas hla nen a rawn lang

ëMin hnem laí tih hla hlawhtling taka a rawn thlawh hnuah F. Zomuanpuia chu Krismas music video nen a rawn lang leh ta.

Kum 2015 Mizo Idol aṭanga kan hmelhriat tak tak ṭan F. Zomuanpuia hian October thlaa ëMin hnem laí tih hla, Ṭhazual chart-a pahnihna lai a thlenpui hnuah Krismas hla a rawn nei leh ta a, hei pawh a ṭha leh hle. A hmaa hla dang a lo tih≠chhuah tawh ëDonít Let Me Downí leh ëThinlai luahtuí te pawh kha Ṭhazual chart-ah a hlawhtling hle a nih kha. A zaithiam a, a music video a ṭha a, tuna a Krismas hla pawh hi beisei a sang.

F. Zomuanpuia Krismas music video hi ëKrismas chibaií tih a ni a, CFA Chhangte phuah a ni. Video hi RP Peter Production kutchhuak a ni a, Melody Recording Studio, Lungleiah a record. F. Zomuanpuia hi Zo rimawi khawvelah a hlawhtling mek a, kar kaltaa Vulmawi Award 2016 semah pawh khan Best New Artist a dawng a nih kha. Tuna a hla thar pawh hi ngaihthlak a chakawm tawh hle.