Puipuia Krismas music video kan hmu dawn

Nikumah Krismas video a tichhuak tawh a, a zawng chhang tlat.

A vawi hnih nan a tichhuak leh dawn

Mizo Idol 2015 aṭanga kan hmelhriat, la naupang si, thiam si Thawhlehnaniropuia chuan Krismas music video thar a rawn siam peih leh ta a, Zonet-ah pawh an pe chhuak dawn hnai.

Thawhlehnaniropuia, Puipuia tia koh hian nikum khan Krismas music video a lo siam tawh bawk a, tun hi Krismas hla a siam vawi hnihna a ni. Nikum November thla khan ëRanthlengah, hmun tlawm≠ahí tih hla chu music video-a siamin a tichhuak tawh a, thlan pawh a hlawh hle a nih kha. Tuna a Krismas hla tihchhuah hi ëChatuan Lalpaí tih a ni.

Tuna mi hi Puipuia music video palina a ni. Mizo Idol-a kan hmuh hnua a music video hmasa ber chu nikuma Krismas hla a tihchhuah kha a ni. Kumin March thla khan ëLalpa fak rawhí tih hla chu a ti≠chhuak leh a, August thla khan ëA rei si loí tih hla a tichhuak bawk. Tuna a hla tihchhuah ëChatuan Lalpaí tih hla hi ëA rei si loí tih hla phuahtu, Parpuii Chawngthu phuah tho a ni. Music hi Kima Chhangte kut≠chhuak a ni a, Hauhnar Recording Studio-a record a ni a, video hi Tea Chhak≠chhuak kutchhuak a ni thung.

Puipuia hian tuna music video a tihchhuah bak hi chu a tichhuak leh lawk lo mai thei. Matric exam hmachhawn tur a ni a, chumi lamah chuan a insawrbing rih dawn a, chumi hnu lamah chuan music video changtlung deuh tak erawh kan hmuh ngei a rinawm. Hmachhawp lian tak a nei mek a, hemi tihlawhtling tur chuan exam a zawh phawh a ngai. Music video lian tham tak siam a tum. ëChatuan Lalpaí tih hla hi vawiin hian MDM Library-ah dah luh a ni ang.