Lal Hriatpuia tribute concert buatsaih dawn

Mizo band hlawhtling leh lar tak taka tel a, thawhhlawk takṭhin, Lal Hriatpuia pualin a thih champha phak, December 10 zan dar 7:45 hian Vanapa Hall-ah concert  buatsaih a ni dawn a, luh man a awm lo ang.

Lal Hriatpuia Tribute Concert-ah hian Mizo band ṭha tak tak leh zaithiam larte an zai dawn. The keys an che ang a, Bad Combination, Booma band, Tom, Dick & Harry, Drop Doubt, Realistic, Forever Young bakah Dinthara ṭhian hlui­te an che ang. Solo artist zingah Sangtei Khuptong, Lungmuana Chhangte (Harvest Ministry) leh TBC Zaithanpuia te an zai ang.

Lal Hriatpuia hi Bad Combination, Harvest Ministry, Tom, Dick & Harry, The Keys band-ah te a lo tel tawh ṭhin a, hla pawh eng emaw zat phuah tawhin, ‘Alpha leh Omega’, leh ‘Van in’ tihte chu a lar pawl tak a ni a, he hlate hi Joe-a’n a sak kha a ni. Hriatpuia hi nikum December 10 khan chatuan ram a lo pan ta a ni.