BTS-in livestream concert leh documentary tichhuak dawn

South Korean boy band, BTS chuan an livestream concert leh feature-length documentary chu Netflix-ah Hybe thawhpuinain tihchhuah a ni dawn tih an puang.

An live performance 'BTS the Comeback Live/ Arirang' tih chu Netflix-ah March 21, an ram huna zing dar 4-ah stream a ni ang. An album thar 'Arirang', March 20-a an tlangzarh hnu lawkah Seoul-a Gwanghwamun-ah concert hi an nei dawn a ni. Kum 2010 aṭanga Super Bowl Halftime show lo direct tawh, Hamish Hamilton chu performance direct tura ruat a ni a, Korea aṭanga khawvel puma live event broadcast hmasak ber tur a ni.

Hemi hnuah an band chuan 'BTS: The Return' tih documentary chu March 27 hian Netflix-ah an tichhuak dawn a ni. Film-ah hian Bao Nguyen chu director a ni a, music an chawlhsan lailawk hnua Los Angeles-a music siam tura an inhmuhkhawm dan chanchin tarlan a ni ang.