'The Kelly Clarkson Show' a tawp dawn ta

American television variety talk show, 'The Kelly Clarkson Show' season sarihna tihchhuah mek chu chhunzawmna awm loin tihtawp a ni dawn ta. He thutlukna hi show host Kelly Clarkson siam a ni. Clarkson chuan thuchhuah siamin, a crew leh fan-te hnenah lawmthu a sawi a, nitina hna a lo thawh ṭhinna a chawlhsan tawh dawn avangin a fate tan hun tam zawk a pe thei tawh dawn tih a sawi bawk.

Thutlukna hi kum kaltaa a pasal hlui, Brandon Blackstock (48) cancer vanga a thih hnuah a siam a ni. Season sarihna hi an ruahman sa angin tihchhuah chhunzawm a ni dawn a, kumin favangah episode hnuhnung ber a chhuak ang. He season-ah hian special guest host an awm dawn a, tute nge an nih puanzar a la ni lo thung.

'The Kelly Clarkson Show' hi kum 2019 khan premiere a ni a, series-ah hian milar leh milar ni lo chanchin ngaihnawm tak tak nei kawm ṭhin an ni. Hei bakah Clarkson leh a band chuan artist hrang hrang hla an perform ṭhin bawk. Show hian 24 Daytime Emmy award a dawn bakah, outstanding daytime talk series leh talk show host ah kum li chhung a zawnin award a dawng a ni.