Mizo thriller film tichhuak dawn

Thriller film ngaina tan Mizo film, zanina an tihchhuah tur hi en a chakawm viau ang. ëKiraí film, thriller film chu zanin dar 7:00 hian Lal Thanhawla Auditorium, Treasury Square-ah tlangzarh a ni dawn.

ëKiraí tih hi Japan ṭawng, ëMi thattuí tihna a ni a, a film hming ang hian tharum thawhna leh thisen chhuahna lam a lang nual dawn. A film kalhmangah Mizo film dangte nen a inang dawn lo a, zirtir leh kawhhmuh tum bik a nei dawn lo a, hei hi a dangdaina tur a ni. Hmuhnawm tur hrim hrima siam a ni.

Film siamtute aṭang hian en a chakawm viau. Photography lama kan hriat langsar Ben Chawngthu leh, TV programme lama kan hmuh fo, ROAR! Media Productions te ṭangkawpin an siam a ni. A film thawnthu hi Loretta Khawlhring ziak a ni.

ëKiraí hi tlangzarh a nih aṭanga December 14 thleng hian, zan tin, dar 5 aṭanga dar 8 inkarah Hawla Auditorium-ah chhuah ṭhin tur a ni a, December 15 aṭang erawh chuan veng hrang hrangah chhuah a ni ang. Chhuah duh tan 8415968808 leh 7005204714 ah te biak theih a ni.