'Knocking on Heaven's Door' Kobe Bryant tan
Basketball legend, Pathianni hmasaa Calabasas, California-a helicopter chesuala thi ta, Kobe Bryant chungchang sawi hian tawpni reng a nei dawn lo niin a lang.
Guns N' Roses chuan Super Bowl Music Fest-a an perform-naah Bob Dylan hla 'Knocking on Heaven's Door' chu sain, an sak hmain Axl Rose chuan Kobe Bryant, a fanu Gianna leh midang thite tan leh an chhungte tan an hlan tih a sawi a ni.
Super Bowl Music Fest hi Miami-ah neih niin, ni thum chhung neih a ni a, GnR hi Zirtawpni zan khan an perform a, Snoop Dogg pawh a perform bawk.
Ningani zan aṭang khan ṭan a ni a, Megan Thee Stallion leh Meek Mill-te pawh an inlan a, DJ Khaled leh a ṭhiante chuan show hi an hawng a ni.
Inrinni zan khan fesrtival kharna hi neih niin, Dan & Shay leh Maroon 5-te pawh an inlan.
Flea pawhina ui thu a sawi
Kobe Bryant khan uitu a ngah a, milar tam takin social media kaltlangin an ui thu leh an tawrhna thu an puangchhuak.
Red Hot Chili Peppers bassist Flea pawhin tunhnai lawk khan ESPN-in an kawmnaah Bryant thihnain a nghawng nasat thu a sawi. Kum 17 mi lek nia LA Lakers a zawm lai aṭanga a hriat tawh thu leh player a nihna ang leh mihring mihrinnaah pawh hmasawnna hrang hrang a neih thute pawh a sawichhuak.
"Ka tan chuan lusunna hun a ni. Nasa taka ṭawngṭaina hun a ni a, hetiang thil hrethiam tura ka rinna fiahna hun a ni," tiin a sawi hial.
Economic class zawng zawng, hnam zawng zawng leh mi hrang hrang hmun khata hruai thlengtu a nih avangin basketball chu a ngaina hle tih a sawi bawk.
Flea hian Kobe Bryant game hnuhnung berah an ram National Anthem a play nghe nghe.
Jay-Z, Kevin Hart,
Jasmine Sanders leh
Post Malone
Super Bowl leh a chhehvelah pawh Kobe Bryant bawkin thawm a la nei ring. Super Bowl Party Inrinnia neihah pawh Jay-Z, Kevin Hart, Post Malone, Meek Mill, Jasmine Sanders leh midang eng emaw zat chuan Kobe zahna lantirna atan hian Lakers Jersey an ha.
Chumai a la ni lo, tukina (an ram huna nizan)-a neih tak, Super Bowl final half time show-a inlan Jennifer Lopez leh Shakira-te pawhin Kobe pual hian hun an hmang dawn tih an lo sawi tawh bawk.