Grammy entu kum hmasa aiin 6% in tlahniam

Grammy Awards vawi 68-na, Pathianni zana neih chuan Nielsen chhut dangin entu mi mtd 14.4 a nei a, kum hmasa aiin award ceremony entu hi 6% in an tlahniam. Kum 2025 khan entu mtd 15.4 an awm a ni. Awards ceremony hi CBS-ah pek chhuah a ni a, kum 2024 khan entu mtd 17.09 an awm a, hemi hnu hian entu hi a a kum zawnin an tlahniam ta a ni.

Kumin hi CBS in Grammy Awards a tihchhuah tawpna a ni a, nakkum aṭang chuan Disney in a pechhuak ve tawh dawn thung. Recording Academy nen hian kum 10 daih tur inremna an ziak a ni. CBS hian kum 1973 aṭang khan Grammys hi pe chhuak ṭanin, kum 50 chuang a tichhuak a ni.

Pathianni khan Grammys hian social media lam a luah hneh hle thung a, thla ruk chhunga social program ngaihven ber niin, total interaction mtd 74.8 leh video entu mtd 302.5 a nei a ni. Grammy hi Fulwell Entertainment produce a ni a, executive producer zingah Ben Winston, Raj Kapoor, Jeese Collins leh Noah-te an tel.