Barunson E&A leh Studio N-in MoU ziak

South Korean production company Barunson E&A leh Studio N chuan Indonesia, Thailand leh Vietnam-a film leh series project siam turin memorandum of understanding (MoU) an ziak. Film leh series hi Studio N webtoon leh web novel library aṭanga siam tur a ni.

Studio N hi Naver Webtoon siamtu an ni a, digital comic-te chu screen-a en theih turin an siam ṭhin. Barunson E&A nen an thawhdunna hmang hian Southeast Asia pumpuiah production an kalpui dawn a, company-te hian IP-based co-production chu international market-a inzarpharhna atan hman an tum.

Oscar winning film 'Parasite' hmanga hriat lar, Barunson E&A hian Indonesia-ah tualchhung production langsar tak takte nen thawh hona ṭha tak an nei a, company hian Come And See Pictures an thawhpui bawk a ni. Indonesia bakah Thailand film studio lian GDH an thawhpui bawk. Series, feature leh animation eng emaw zat an siam tawh a, an company-in kum kaltaa an tlangzarh 'My Daughter Is a Zombie' pawh khan South Korea-ah entu mi mtd 5.6 a nei a ni.