Rogue One ropui namenin a ropui lo
Nikuma Star Wars: The Force Awakens tihchhuah a nih aṭanga box office-a ropui ber chan chang chu Rogue One: A Star Wars Story a ni a, kar liam ta kar tawp chhung khan US-ah chauh ni loin khawvel ram hrang hrangah ropui namenin a ropui lo.
Rogue One: A Star Wars Story hi Stars Wars thawnthu aṭanga siam chhuah a ni a, kar tawp ni thum chhung khan North America-ah USD mtd 155 zet a thawk chhuak a, box office-ah pakhatna a luah chiang hle a, sum lalut hnem pahnihna aiin a let 10 chuangin sum a lalut hnem zawk.
Rogue One: A Star Wars Story hian North America-a ropuina a chan mai piah bakah khawvel ram hrang hrang aṭangin USD mtd 135.5 zet a lalut bawk a, kar tawp chhung khan he film hian USD 290.5 zet a lalut. North America bikah hian kum 2015-a tih≠chhuah, Star Wars: The Force Awaken kha December thlaa movie tihchhuah zingah kar tawp ni thum chhunga sum lalut hnem ber a ni a, a dawt chu Rogue One: A Star Wars Story hi a ni.
Moana a la hlawhtling tluang zel a, a sum lakluh erawh a tlahniam ve tawh hle. Kar tawpah khan sum lakluh hnemah pahnihna a ni a, USD mtd 11.7 a lakluh belh leh. Top 10-a movie thar lang zinga thleng sang ber chu Collateral Beauty a ni a, kar tawp chhung khan USD mtd 7 a lalut. Pathumna hi Office Christmas Party a ni.
Box office movie top 10
“Rogue One: A Star Wars Story” - $ mtd155
“Moana” - $ mtd 11.7
“Office Christmas Party” - $ mtd 8.5
“Collateral Beauty” - $ mtd 7
“Fantastic Beasts and Where to Find Them” - $ mtd 5
“Manchester by the Sea” - $ mtd 4.2
“La La Land” - $ mtd 4
“Arrival” - $ mtd 2.8
“Doctor Strange” - $ mtd 2
“Nocturnal Animals” - $ mtd 1.2