Sum neih leh hmingthan aia hla phuah nuam ti zawk Camila

X Factor 2012 aṭanga kan hriat lar Camila Cabello chuan sum neiha hausak leh hmingthanna aiin hla phuah nuam a tih zawk thu a sawi.

Hmanni lawka a album tihchhuah thar chung­chang sawiin Camila hian album siam hi sum hmuh nan leh larna tur ringawta a siam a nih loh thu leh, love song phuah chu nuam a tih thu Los Angeles pop-up event-ah a sawi chhuak a ni.

"Hmangaih neih hi a nuam a, hmangaihna hi kan nuna thil pawimawh tak pakhat a ni," tiin Camila hian hma­ngaihna hlut zia a sawi chhuak. Shawn Mendes a sawi­chhan pawh a ni mahna. Camila nunah hian hmangaihna a ngaihhlut zia he interview aṭang hian a hriat theih a, a bialpa Shawn Mendes hi hman aṭanga a lo vei ruk ṭhin thu a sawi chhuak bawk a ni. 

"Kum 5/6 kal taa Austin Mahone-a'n tour a neihnaah Shawn hi ka hmu a, khata ṭang khan ka vei hle a ni," tiin Ellen DeGeneres in a kawmnaah a bialpa chu a duhna a rei tawh thu a sawi. December 6 khan Camila hian a album pahnihna 'Romance' chu a tichhuak a, he album-ah hian hla 13 awmin, bonus track pakhat a dah bawk a ni.

Thla hmasaa sem 2019 American Music Awards-ah khan Camila leh Shawn hi an che ṭha hle a, an hla “Señorita” chuan 'Collaboration of the Year' award a dawng hial a ni.