Hip Hop Fest Rap Battle a pui dawn

December 16-a Dawrpui Multipurpose Centre-a neih tur, Hip Hop Fest-a Rap Battle neih tur a pui dawn.

Rap Battle hi he fest-a category pui ber zinga mi a ni dawn tih a chiang a, bout hnih awm dawnin, bout hnihah hian lawmman siam ve ve a ni bawk. Battle-a tel turte a chiang tawh a, rap music leh battle-a experience nei tak tak an nih dawn hlawm avangin boruak a sang hle ang tih a rinawm.

Mizo rapper sulhnu nei ṭha tak tah G'Nie, Larry leh Dr. Reuben-te chu judge an ni dawn.

Siaha rapper Haster hi text leh audio battle-ah pawh champion-na lo nei nual tawh a ni a, live battle erawh a vawi khat telna tur a ni thung ang. Zirtluangpuii nen pawh hla an tichhuak dun thuai dawn niawm tak a ni. Murfelo hian SIRAP ai a awh dawn a, live battle-ah a vawi hnih inlanna tur chauh ni mah se rap music lamah erawh sulhnu a nei nual tawh thung.

Lil Rascal hi freestyler ṭha tak, live battle-a experience nei tawh niin, Champhai lam mi a ni. Hrechiang duh chuan YouTube lamah a sulhnu hmuh tur a awm. SherKhan pawh hi live battle lama sulhnu nei tawh, 'Sirap Bring me my stage' leh 'The Pit Battle'-ah pawh che ṭha tak a ni a, Lil Rascal nena an in battle hi a pui hle rin a ni.