Dan Trachtenberg-a'n Paramount inremna ziahpui

American director leh writer, 'Predator: Badlands' siamtu Dan Trachtenberg chuan Paramount Pictures chu thawh dunna tur inremna a ziahpui a, kum thum chhung directing leh producing-a thawk dun turin inremna hi a ziak a ni. An thawh dunna hnuaiah feature project hrang hrang a direct bakah a produce nghal dawn a ni.

Trachtenberg chuan Paramount nen an thawkdun thei chu lawmawm a tih thu sawiin, Paramount team-te nen cinema-a an hmathlir an ti puitling thei tur chu a phur tawh thu a sawi. Paramount hian kum kal ta khan filmmaker leh producer eng emaw zat an lo thawhpui tawh a, chung zingah chuan Duffer Brothers, Jon M. Chu, James Mangold, Issa Rae, JD Lifshitz leh Raphael Marguelies-te an tel.