Brad Arnold a bandmate-ten an ui

American rock band 3 Doors Down lead singer leh songwriter, Brad Arnold kum 47, February 7 Inrinnia cancer natna avanga thi chu a bandmate-ten an ui thu leh an hriatreng tur thu Inrinnia thuchhuah an siamah an tarlang. Kum kalta May thla khan Arnold hian cell renal carcinoma, kal cancer stage 4 a vei thu leh enkawlna a dawn mek thu a lo sawi tawh a ni.

Hemi ṭum hian a natna avanga a lungngaih loh thu leh, Pathian ringtu a nihna angin eng harsatna pawh kan paltlang thei tih a sawi. An hmachhawp zingah tour an neih tur cancel a ngai erawh pawi a tih thu a tarlang. An band hi Mississippi-ah din a ni a, a dintu zinga Matt Roberts chu kum 2016 khan kum 38 mi niin a lo thi tawh bawk. Arnold hian kum 2000 khan an hla hit 'Kryptonite' tih chu a phuah a ni.

Kum 2004 khan an band hian naupang ei leh in, chenna in leh damdawi lam enkawlna mamawhte tan Better Life Foundation dinin, kumtin hemi pual hian concert an buatsaih ṭhin.