Donald Trump-a'n Bad Bunny performance sawisel

US president Donald Trump chuan Pathianni zana Super Bowl Halftime Show, Levi's Stadium, Santa Clara, California-a neih zawh taka perform, Grammy winner ni bawk Bad Bunny chevel chu show neih tawh zawng zawnga ho ber a nih thu Truth Social-ah tarlang. Trump hian Bad Bunny chetla lai vel chu America ropuina tiṭhuanawptu mai a ni tiin a sawisel zui.

Bad Bunny perfor-mance lam erawh mipui lawm a hlawh hle a, amah bakah hian Lady Gaga, Ricky Martin leh artist hrang hrangin Bunny hla hi an rawn medley bawk. Fans thawm pawh a ṭha hle a; show-ah hian Latin America lam rawng kai theme hman niin, Bunny rawn chawr chhuahna Puerto Rico lam tilang thei tur pholan a ni bawk. Bunny hian a hla "Tití Me Preguntó" (opener), "Safaera," "Yo Perreo Sola," leh "El Apagón," te a sa a ni.Super Bowl Halftime show atana Bad Bunny perform tura thlan a nih thu nikum September-a NFL leh Apple Music lamin an puan hnu khan MAGA lam chuan an sawisel zui nasa hle.