T.O.P music video-ah Nana inlan dawn

South Korean rapper leh musician, boy band BigBang member hlui Choi Seung-hyun T.O.P tia hriat lar solo track music video tharah South Korean singer leh actress Im Jin-ah, Nana a inlan dawn. He thu hi media outlet chuan February 9 khan an tichhuak a ni.

T.O.P leh Nana-te agency ve ve chuan Nana hi T.O.P solo track music video tharah a inlan dawn tih an nemnghet tawh bawk. Nana leh T.O.P te hian kum kalta khan filming an zo tawh a, project hi an pahniha an thawhdun vawikhatna a ni . Kumin January 1 khan T.O.P hian a Instagram video post-ah album thar a tichhuak dawn tih a lo sawi tawh a, a album thar title ni thei tur 'ANOTHER DIMENSION' tih pawh a sawilang tel. A hla thar tur hi kum 13 hnua solo track a tihchhuah lehna hmasa ber tur a ni.