China Box Office-ah 'Zootopia 2' cheṭha tluang zel

China box office-ah Disney kutchhuak, 'Zootopia 2' chu cheṭha tluang zelin No.1 ah a la awm. Kar hmasa chhung khan RMB mtd 25.9 (USD mtd 3.6) a lak luh belh leh a, sum a lak luh tawh zawng zawng hi RMB tld 4.5 (USD mtd 634.1) a tling tawh tih Artisan Gateway chuan a tarlang.

Pahnihnaah 'Busted Water Pipes' awmin, tlangzarh a nih aṭanga a kar thumnaah USD mtd 2.5 a la lut tawh a, sum a lak luh tawh zawng zawng hi USD mtd 14 a ni. Pathumnaah crime thriller 'The Fire Raven' awmin, kar hmasa chhung khan USD mtd 2.1 a la lut a, a vaia a sum lak luh tawh zat hi USD mtd 65.5 a tling tawh bawk. James Cameron kutchhuak 'Avatar: Fire and Ash' chu palinaah awmin, USD mtd 1.8 lak luh belhin, a sum lak luh tawh zawng zawng hi USD mtd 164.8 a ni. Panganaah 'Return to Silent Hill' awmin USD mtd 1.3 la lutin, a sum lak luh tawh zawng zawng hi USD mtd 17.3 a tling tawh bawk a ni.