Crunchyroll-in Original Video Games tlangzarh dawn

Anime media giant Crunchyroll chuan anmahni pual video games chu 'Crunchyroll Games' huang aṭanga tlangzarh an tum thu an puang. Games tihchhuah tur chungchang kimchang hi an streaming platform-a 'Crunchyroll Game Voult' hnuaiah kumin chhung hian tihchhuah tum a ni, Japanese publisher leh global developer-te nen thawk hoin anime fans-te tan game an siam dawn a ni.

Crunchyroll game vault hi 'Mega leh Ultimate Fan' subsriber-te pualin kum 2023 khan features-angin tihchhuah a lo ni tawh a, hemi hnuaiah hian title 80 chuang games siam a lo ni tawh a ni. Company chuan kumin nipui chhung ngei hian games 100 siam tlin hman an tum thu an tarlang tel bawk.

Streaming platform hian games thar "Beyblade X Xone" leh "Lost Hellden" chu subscription tite tan tihchhuah an tum hnai tih sawiin, he games hi mobile edition an siam hmasa ber tur a ni dawn bawk. Company chuan kumin chhung ngeiin games 15 mobile leh ports thar-a khelh theih chi tihchhuah hman an tum thu an tarlang.