'Discord' in age verification kalpui ve leh dawn

Khawvel huapa communi-cation app hman lar, all-in-one text, voice, leh video chat-te tih theihna 'Discord' chuan thla thar aṭangin "Age Verification" kalpui tum a nih thu an puang. Discord hmangtu zawng zawngte chu "teen-appropriate experience"-ah default-a dah vek an ni dawn a, user puitling anga finfiahte chauhin setting ṭhenkhatte an thlak thei tawh dawn a ni.

Hetih rualin puitlinga pawm, user tam zawk tan chuan verification hi tih kher a ngai tawh dawn lo a, hei hi Discord-in account chhunga 'age inference' a neihsa hmangin kum zatte hi a lo hriat theih tawh vang a ni. Discord user-te hian an kum zat an tihchian loh chuan content ṭhenkhat en theih loh a awm dawn bakah setting aṭanga thlak danglam thlengin a tihtheih dawn loh bawk.

Discord chuan an thuchhuah siamah user-te private message emaw message dang content hrim hrim emaw pawh age verification tihna tur hian hmansak an nih loh thu an tarlang. Hei bakah user-te chuan an hmelhriat loh hnen aṭanga friend request an dawn apiangin warning promt an dawng zel tawh dawn bawk a ni.