Gen Z-te an ú 'Millennials' aiin an IQ a hniam zawk

Neuroscientist-te'n zirchianna an neih report an tihchhuah tharah, kum 1997 leh 2010 inkara piang, Generation Z (Gen Z) tia sawite chu an u chiah generation, 'Millennials (Gen Y)' aiin zirna in lamah an tichhe zawk a, chawhrualin an IQ pawh a hniam zawk tih hmuhchhuah a ni. Zirchianna tihchhuah a nih hnuah, Gen Z te chu beisei loh taka an la lawm zaw mah zawk chuan mak tih a hlawh hle bawk.

Dr. Jared Cooney Horvath chuan Gen Z-te chu modern history-a anmahni aia chhuan hmasa zawkte aia standardized academic test score chhe zawk awmchhun an nih thu sawiin; a timak zualtu chu heng chhuanthar zawkte hi an inhriat dan chuan an fing hle a, an 'overconfident' hle bawk niin a sawi.

Cognitive measure hmanga enchhinna hrang hrang an neih - basic attention, memory, literacy, numeracy, executive function leh general IQ test an neihahte Gen Z te hi an thiam lo hle bawk tih hmuhchhuah a ni. Horvath chuan heti taka ṭhangtharte an mawl tak chhan sawiin, Gen Z-te chu 'screen time' hmaa hun rei tak tak hmanga ṭhanglian hmasa ber an nihna chuan a nghawng niin a tarlang.