'Helldivers' ah Jason Momoa

American actor leh film producer, Jason Momoa chu Justin Lin-a'n Sony Pictures leh PlayStation Productions tana video game a siam, 'Helldivers' adaptation-ah a changtu ber a ni dawn. Sony Pictures chuan film hi kum 2027, November 10-ah theatre-ah tlangzarh an tum tih an puang.

Project hi kum 2015-a video game tlangzarh, 'Helldivers' leh a sequel 'Helldivers 2' behchhana siam a ni. Video game hi unit mtd 12 chuang hralh chhuah a ni. Script hi Gary Dauberman ziah a ni a, Hutch Parker leh Asad Qizilbash-ten an produce bawk a ni. Sony Pictures leh PlayStation Productions-te hi tun hnai khan 'Unhcharted' ah an lo thawk dun tawh a, film-ah hian Tom Holland leh Mark Wahlberg chang dunin, khawvel pumah USD mtd 407 an la lut a ni. Video game adaptation sum la lut hnem zinga Top 10-ah a lang pha bawk.