'Toxic' teaser-in Kristian pawl aṭangin sawisel tawk

Indian period gangster film, 'Toxic: A Fairy Tale for Grown-Ups' chuan theatre-a tlangzarh a nih hmain sawiselna a tawk nghal. Kristian pawl pakhat chuan he film-ah hian sakhaw zah lohna lam thil a lantir niin an sawi. Sorkar leh film thuneitute hnenah complaint thehluh a ni tawh a, mipui en theiha tlangzarh a nih hmain hma la turin an ngen.

National Christian Federation chuan film-a visual ṭhenkhat chuan Kristiante sakhua zah lohna a lantir tih an sawi a, central archangel Saint Michael pholan a ni chu an dodal a ni. An complaint-ah hian scene ṭhenkhatah Saint Michael chu nungchang mawi lo tak angin an tarlang tih an sawi a, Kristiante rilru a ti na hle a ni, an ti. Federation president Pradeep Kumar chuan thuneitute chu scene ṭhenkhat chu paih turin a ngen a, promotion material online-a tih chhuah tawhte pawh paih leh turin an ngen bawk. Filmmaker-ten ngaihdam an dil lo a nih chuan legal action lak a nih tur thu an sawi.